Desde hoxe está dispoñible “Pedindo Perdón”, novo sinxelo de Tanxugueiras.

A canción fala da saída dunha relación tóxica, onde as protagonistas, neste caso elas mesmas, saben que poden camiñar soas, sen ningún tipo de dependencia emocional e que as únicas ás que necesitan querer para tirar cara adiante é a elas mesmas. Tamén fala de arrepentimentos, e de saber cando deixar de dar oportunidades a persoas que non o merecen, e que despois de moitas, seguen facéndoche mal. En definitiva, en “Pedindo Perdón”, a través do empoderamento reivindícase a necesidade de quererse ben a unx mismx como remedio para sandar todo tipo de males.

O tema foi producido por Tanxugueiras, Iago Pico e Ainoa Buitrago, e é resultado das sesións de composición que tiveron lugar na sede madrileña de Warner Chappell en 2023 enmarcadas dentro de She Sounds. Foi durante o desenvolvemento destas xornadas cando as tres artistas entraron o contacto con Ainoa e fraguouse a creación deste novo tema. Ademais, no proceso de composición da canción tamén participaron outras dúas artistas que asistiron á iniciativa: Camilú e Ale Zabala, cumprindo co fin último destas sesións, poñer en contacto a mulleres da industria musical de diferentes perfís para crear sinerxías, desenvolver o seu talento e tecer redes de apoio e traballo.

Os asistentes a algún dos concertos de Tanxugueiras durante este 2024 xa puideron gozar da súa versión en directo, pois leva formando parte do repertorio da xira varios meses desde a súa estrea no multitudinario show do Coliseum da Coruña ofrecido o pasado decembro.

O trío continúa coa súa xira estival por toda a Península, efectuando recentes paradas no Pirata Beach de Gandía, Arcu Atlánticu de Xixón e o SonRías Baixas de Bueu. Estas son as próximas datas confirmadas:

17/08 • Festas do San Roque • Melide (A Coruña)

18/08 · Festas da Peregrina · (Pontevedra)

24/08 · Guísamo Folk · Bergondo (A Coruña)

7/09 • Festival Osa do Mar • Burela (Lugo)

14/09 • Festival Revenidas • Vilaxoán, Vilagarcía (Pontevedra)

As artistas galegas foron unha das sorpresas de La Velada del Año 4 de Ibai Llanos. O trío interpretou o seu maior éxito, Terra, durante a entrada ao ring do streamer Guanyar

La Velada del Año 4, o espectáculo de Ibai Llanos que fusiona o boxeo coa música, estivo cheo de sorpresas. Unha delas foi a presenza de Tanxugueiras, quenes interpretaron a súa canción estrela nun Estadio Santiago Bernabeu completo.

Terra, canción coa que se presentaron na primeira edición do Benidorm Fest, onde quedaron como favoritas do público, foi un éxito en 2022, sobre todo en Galicia, onde se volveu un fenómeno social. Ademais, é xa un himno que corean nos seus múltiples e multitudinarios concertos por todo o territorio español, reivindicando a súa cultura e historia, e deixando patente que efectivamente, para elas non hai fronteiras.

Agora, dous anos despois da súa estrea, levaron a súa música a outro gran evento: La Velada. E fixérono para acompañar ao streamer Guanyar durante a súa entrada ao ring do estadio Santiago Bernabeu. Guanyar, cuxo nome real é Diego Iglesias, é un mozo creador de contido de 25 anos de Santiago de Compostela, que quixo reivindicar a súa procedencia convidando a Tanxugueiras a entrar con el ao recinto.

O evento, organizado por Ibai Llanos, comezou ás catro da tarde nun estadio pletórico no que se deron cita máis de 80.000 persoas. E, tal como estaba previsto, a retransmisión en directo do anhelado encontro converteuse, unha vez máis, no maior acontecemento da historia en Twitch, plataforma estadounidense propiedade de Amazon.

Segundo anunciou emocionado o propio Ibai, o evento rompeu o récord de espectadores superando os 3,5 millóns de dispositivos simultáneos conectados á emisión. O vasco fíxoo tamén os dous anos anteriores. No 2022, durante a segunda entrega do peculiar formato, preto de 2,9 millóns de dispositivos conectáronse para presenciar a Velada. E no 2023 esa cifra ascendeu a 3,4 millóns de espectadores, número que se superou esta tarde precisamente durante a entrada de Tanxugueiras e o posterior combate do compostelán Guanyar.

Hoxe estréase “Remanso para morrer”, unha preciosa colaboración que xuntou a Tanxugueiras e Andrés Suárez. O tema forma parte de “Sesións Moraima”, serie de actuacións que Andrés publica periodicamente con artistas que admira.

Nas propias palabras do cantautor de Ferrol, “Tanxugueiras non só son as creadoras dun estilo, son tamén unhas autoras brillantes. Oxalá esta sexa a primeira de moitas cancións xuntos. Sumar amizade con admiración deixa grandes resultados”.

Por parte de Tanxugueiras, engaden: “Con Andrés tivemos unha conexión moi guai, el quería falar no tema sobre a súa historia, e da morriña que sentiu  cando marchou de Galicia para poñer rumbo a Madrid. Polo noso lado, centrámonos nese sentimento que temos tan ancorado, o de querer tanto á nosa terra, e o que nos produciría a nivel sentimental ter que marcharnos de aquí. Témoslle moito agarimo a este tema, e poder cantalo e  gravalo en directo tamén foi xenial”.

O trío está xa inmerso na súa nova xira para este 2024, que inclúe numerosas datas a nivel nacional e tamén internacional. Esta pasada fin de semana protagonizaron un épico momento xunto a Arde Bogotá no festival Portamérica, interpretando xuntos “La Salvación”. Estas son as próximas paradas confirmadas para gozar do seu directo:

11/07 • Pirata Beach Fest • Gandía (Valencia)

19/07 • Festival das Carrilanas de Esteiro • Esteiro (Muros)

20/07 · Amorebieta · Bizkaia

30/07 • Arcu Atlanticu • Xixón

3/08 • SonRías Baixas • Bueu (Pontevedra)

17/08 • Melide • Melide (A Coruña)

7/09 • Festival Osa do Mar • Burela (Lugo)

14/09 • Festival Revenidas • Vilaxoán, Vilagarcía (Pontevedra)

Tanxugueiras e Fillas de Cassandra unen forzas e estrean o sinxelo Quen é a que canta?. O tema é un canto á nenez e ás relacións de amizade que crecen cómplices entre amigas, pero tamén ao descubrimento deses “monstros” e desas “fadas”. Nela, móstrase á infancia como un lugar tenro e sorpresivo, onde todo é novo e tamén, por ese mesmo motivo, desconcertante.

A colaboración supón unha unión artística moi esperada entre dúas das agrupacións musicais máis importantes de Galicia dos últimos tempos: Tanxugueiras son, a día de hoxe, un dos buques insignia da canción en galego, fixeron historia o pasado mes de decembro canso se converteron, no mes de decembro nas primeiras artistas galegas en encher o Coliseum da Coruña (9.000 persoas), e Fillas de Cassandra, pola súa banda, xa ostentan o título de artistas revelación do pasado 2023 e a súa proxección para este novo ano é máis que prometedora coa súa xira Últimas Dionisíacas.

“En Quen é a que canta? as nosas nenas internas mírannos con orgullo desde dentro, á vez que rendemos tamén homenaxe ás nosas nenas pasadas, ás que algún día fomos e que souberon soñar na soidade dos seus cuartos con todo o que agora somos e vivimos”, explican Aida, María, Olaia, Sabela e Sara. A idea do xogo de palmas, presente tanto na canción coma no video do que se acompaña, funciona aquí como “síntese dun tempo idílico que nos queda conxelado na memoria”, sinalan. “Fronte ao estrés, a ansiedade e os medos do mundo adulto, sobrevive ese recordo como un espazo seguro ao que volvemos para sandar e reconciliarnos con nós mesmas”, apuntan as artistas.

O tema anima a facer o exercicio de atoparse nos ollos da nena que fomos, e facernos sentir orgullosas do que somos hoxe. Así, neste novo tema, Tanxugueiras e Fillas de Cassandra dilúense como grupos para deixar paso a esas cinco nenas que, na súa individualidade, e xa adultas, unen as súas voces e cantan xuntas.

Quen é a que canta? puido escoitarse por vez primeira, ao vivo, no fin de xira de Tanxugueiras no Coliseum, ocasión na que Fillas de Cassandra subiron ao escenario e interpretaron con Aida, Olaia e Sabela o tema, por aquel entón aínda inédito. A canción volveu soar no hall do Mar de Vigo na estrea da xira Últimas Dionisíacas, o novo directo de María SOA e Sara Faro, e no que Tanxugueiras tamén estivo presente.

Tanxugueiras continúan así a súa prolífica etapa musical, publicando “Hoxe, mañá e sempre” xunto a Valeria Castro a finais de decembro. O tema, que xa superou o millón de reproducións, foi incluído en múltiples listas editoriais e estivo posicionado durante varias semanas na lista dos 50 máis virales de Spotify.

Ademais, o pasado 1 de marzo estreouse a serie de Amazon Prime Vídeo “Reina Roja”, que está a arrasar na plataforma de vídeo, e na que participan na súa banda sonora cunha versión de “No mires a los ojos de la gente” de Golpes Bajos que causou furor entre os espectadores, posicionando ao tema no Top 200 de Shazams en España desde o día do seu lanzamento

Neste 2024 as galegas conseguiron pasar á fase final de catro categorías (Canción do ano, Mellor videoclip, Mellor produción musical e Mellor letra orixinal) dos Premios MIN (os gañadores coñeceranse o próximo 17 de abril en Zaragoza), e contan con outros dúas nominacións nos Premios da Academia da Música (Mellor canción en galego e Mellor novo artista).

O trío arrinca nova xira para este 2024 con numerosas datas a nivel nacional e internacional. Estas son as primeiras paradas confirmadas para gozar do seu directo:

14/03 • MA Scène nationale – Théâtre de Montbéliard • (Francia)

1/04 • Festivalino • Pescueza (Cáceres)

13/04 • ZEID Fest • Barakaldo (Bizkaia)

14/05 • Rivas Vaciamadrid • Madrid

25/05 • Ouren Sound Fest • Benposta (Ourense)

10 a 13/07 • Pirata Beach Fest • Gandía (Valencia)

1 ao 3/08 • SonRías Baixas • Bueu (Pontevedra)

6 a 8/09 • Festival Osa do Mar • Burela (Lugo)

12 a 15/09 • Festival Revenidas • Vilaxoán, Vilagarcía (Pontevedra)

Os Premios MIN desvelaron hoxe os finalistas da súa próxima edición, a número dezaseis, que terá lugar o próximo 17 de abril en Zaragoza.

Organizados pola Unión Fonográfica Independente (UFI), este ano Tanxugueiras volven ter unha forte presenza entre a selección de artistas que prenden a faísca da innovación e autenticidade na industria musical do noso país. Se o ano pasado levaron a casa os premios correspondentes a “Mellor álbum en galego” e “Mellor álbum de música de raíz” por “Diluvio”, neste 2024 as galegas conseguiron pasar á fase final de catro categorías:

– Canción do ano: “Hoxe, Mañá e Sempre” con Valeria Castro

– Mellor videoclip: “Aire”. Directores: Trece Amarillo (Diego M. Barcia, Diego Santaclara).

– Mellor produción musical: “Hoxe, Mañá e sempre”. Produtores: Valeria Castro, Tanxugueiras, Iago Pico (Pouland Studios)

– Mellor letra orixinal: “As que tiñan que estar” con Juancho Marqués

En canto a nova música, hoxe mesmo podemos escoitalas en “Ouveo”, canción inédita que formará parte do novo álbum de Bala, e na próxima semana desvelarase unha nova colaboración moi esperada desde hai meses.

Ademais, o pasado 1 de marzo estreouse a serie de Amazon Prime Vídeo “Reina Roja”, que está a arrasar na plataforma de vídeo, e na que participan na súa banda sonora cunha versión de “No mires a los ojos de la gente” de Golpes Bajos que posicionou ao tema no Top 200 de Shazams en España desde o día do seu lanzamento.

Recentemente o Barómetro da Cultura Galega, a cargo do Consello da Cultura Galega, catalogou a Tanxugueiras como o máis destacado do sector cultural galego no pasado 2023.

O trío galego comezou xa a presentar o seu novo formato de xira para este 2024, dando o pistoletazo de saída a pasada semana en Francia e tendo xa estas paradas confirmadas para os próximos meses:

13/04 • ZEID Fest • Barakaldo (Bizkaia)

14/05 • Rivas Vaciamadrid • Madrid

25/05 • Ouren Sound Fest • Benposta (Ourense)

10 a 13/07 • Pirata Beach Fest • Gandía (Valencia)

1 ao 3/08 • SonRías Baixas • Bueu (Pontevedra)

6 a 8/09 • Festival Osa do Mar • Burela (Lugo)

12 a 15/09 • Festival Revenidas • Vilaxoán, Vilagarcía (Pontevedra)

Desde hoxe está dispoñible a banda sonora orixinal de Reina Roja, serie de Amazon Prime Vídeo baseada na novela de Juan Gómez-Jurado e dirixida por Koldo Serra. Composta por Víctor Reyes (Historias para no dormir, El Internado: Las Cumbres, Luces Rojas, etc, e gañador dun Emmy), conta con 28 temas musicais e tres covers exclusivas compostas para momentos específicos da historia, entre os que se atopa “No mires a los ojos de la gente”, interpretada por Tanxugueiras. A este tema súmanse “Maquillaje” de Maestro Espada, e o chotis “Madrid”, producido por Raül Refree e interpretado por Adriano Galante. “Reina Roja” é unha das grandes apostas de Amazon Prime para esta tempada, contando cunha repartición encabezada por Hovic Keuchkerian e Vicky Luengo para encarnar os principais personaxes, quen xa coincidiron na unanimemente agasallada Antidisturbios.

Estes días tamén se publicou un avance do próximo Barómetro da Cultura Galega, a cargo do Consello da Cultura Galega, e Tanxugueiras aparece entre o máis destacado do sector cultural galego do pasado 2023.

Cun 10,3% dos enquisados, e seguidas polo festival O Son do Camiño (10,1%) e a película ‘O Corno’ (7,4%) tras recoller as respostas de 960 entidades do sector, encabezan a lista cultural da Comunidade Autónoma un ano máis. O informe pode consultarse completo AQUÍ.

Ademais, foron nomeadas en seis categorías dos Premios MIN, podendo consultar e votar polas súas candidaturas desde a web dos Premios.

En canto a nova música, e tras a última colaboración con Valeria Castro no tema “Hoxe, mañá e sempre”, acaba de anunciarse que tamén formarán parte do novo disco de Bala, previsto para o día 26 de abril, e no que unirán forzas co dúo rockeiro nunha canción inédita titulada “Ouveo”.

Tanxugueiras xa contan cun bo puñado de datas en directo para 2024, tendo xa estas paradas confirmadas para os próximos meses:

14/03 • MA Scène nationale – Théâtre de Montbéliard • (Francia)

13/04 • ZEID Fest • Barakaldo (Bizkaia)

14/05 • Rivas Vaciamadrid • Madrid

25/05 • Ouren Sound Fest • Benposta (Ourense)

10 a 13/07 • Pirata Beach Fest • Gandía (Valencia)

1 ao 3/08 • SonRías Baixas • Bueu (Pontevedra)

6 a 8/09 • Festival Osa do Mar • Burela (Lugo)

12 a 15/09 • Festival Revenidas • Vilaxoán, Vilagarcía (Pontevedra

Dende hoxe está dispoñible “Hoxe, mañá e sempre”, novo tema de Tanxugueiras en colaboración con Valeria Castro.

A canción, que as catro artistas estrearon en directo o pasado 16 de decembro no Coliseum da Coruña durante o concerto fin de xira das galegas, trata sobre as persoas que se van pero que, dalgunha maneira, seguen presentes nos recordos para sempre. Nas súas propias palabras, “fai referencia a que cando nós marchemos teremos que estar tranquilas, porque o vivido é suficiente, xa fixemos o que tiñamos que facer. Hai que gozar do presente, da vida, que cando marchemos xa haberá xente que nos lembre aquí para manternos vivas”.

En liña coa mensaxe da canción, Valeria Castro achega: “Cantar xunto a Tanxugueiras é saber que non estás soa, que hai tres mulleres preto que te apoian e cantan contigo para que o que merece ser contado se escoite máis forte. É un agasallo poder cantarlle ás ausencias e á fraxilidade humana con elas”.

“Hoxe, mañá e sempre” vén acompañada por un videoclip que mostra ás catro artistas no estudo e reflicte o vínculo que naceu por mor de colaborar e conectar no eido tanto persoal como artístico: “Foi espectacular, fixemos moitísima amizade con ela. É moi sinxelo traballar con Valeria, e o mellor é que por mor de compoñer este tema xurdiu unha amizade que cremos que durará para sempre. Estamos moi contentas de poder traballar con ela e de que nos transmita a súa sensibilidade. “Hoxe, mañá e sempre” é unha combinación da nosa forza coa súa sensibilidade que cremos que encaixa dunha maneira moi orgánica”.

Aínda co recordo ben presente do fin de xira na Coruña, as artistas xa comezaron a confirmar as primeiras presentacións en directo para 2024, tendo xa estas datas marcadas para o ano que en breves comeza:

14/03 • MA Scène nationale – Théâtre de Montbéliard • (Francia)

25/05 • Ouren Sound Fest • Benposta (Ourense)

10 a 13/07 • Pirata Beach Festival • Gandía (Valencia)

6 a 8/09 • Festival Osa do Mar • Burela (Lugo)

Tanxugueiras pecharon a noite do sábado a súa Xira Midas da mellor maneira posible: Case 9000 persoas foron testemuñas da fazaña das tres galegas, que colgaron o cartel de sold out no Coliseum da Coruña e convertéronse así nas primeiras artistas galegas en encher a sala de concertos máis grande do noroeste peninsular.  

Durante case dúas horas de set, Olaia, Sabela e Aida repasaron os seus temas máis coñecidos, en ocasións axudadas pola súa banda (Iago Pico e Isaac Palacín), os seus bailaríns (Artur Puga e Fran Sieira), as súas inseparables pandeiretas, e tamén, contando con colaboradores de luxo. Non quixeron perderse esta festa os seus amigos e compañeiros de profesión Rozalén, Guadi Galego, Rayden, Mondra, Muerdo, Fillas de Cassandra e Valeria Castro, coa que ademais estrearon unha canción inédita anunciando que estará dispoñible o próximo día 29 de decembro. 

Vestidas para a ocasión por Manuel Escurís, o deseñador galego detrás do vestiario de toda a xira, as tres artistas non pararon de interactuar con todos os asistentes, reivindicando como xa é costume que a cultura popular pode ir da man da modernidade, a liberdade e despachando con este “Derradeiro Diluvio” un concerto xa histórico para a música en galego.  

Tras este peche de luxo a dous intensos anos de xira, o traballo non para e, aínda que este concerto marca o fin da etapa de “Diluvio”, xa se han empezando a confirmar as primeiras datas de presentacións en directo para 2024. 

Esgotáronse! A dúas semanas aínda para a celebración dunha das datas máis importantes na carreira de Tanxugueiras ata o momento, as artistas conseguiron despachar todas as entradas para asistir ao seu show fin de xira o próximo 16 de decembro no Coliseum da Coruña. 
 
8.500 asistentes celebrarán e corearán xunto ao trío galego os seus grandes éxitos nesta última parada da súa extensa xira, bautizada co nome de O DERRADEIRO DILUVIO, e serán partícipes dun fito histórico, ao converterse Olaia, Sabela e Aida nas primeiras artistas en galego que consigan encher o maior recinto pechado de concertos do noroeste da Península Ibérica. 
 
Este show tan único e especial, para o que a banda e o seu equipo de PlayPlan levan ensaiando dende fai semanas, tal e como foron mostrando nas súas redes sociais, deparará moitas sorpresas e ao escenario subirán un bo feixe de convidados de luxo. Xa confirmaron a súa asistencia Rayden (a quen, á súa vez, elas acompañarán hoxe mesmo na súa despedida no Wizink madrileño), Rozalén, a nominada aos Latin Grammy e aos Premios Goya Valeria Castro, Guadi Galego ou Muerdo. Ademais, o repertorio do concerto incluirá novos temas que se incorporarán ao setlist da nova xira para o 2024. 
 
No que respecta á estrea de nova música, a recta final do 2023 tamén foi moi prolífica para as galegas, que estrearon novos temas con Juancho Marqués (“As que tiñan que estar“), Ruth Lorenzo (“Reina“), e a máis recente, “SANGUE“, xunto a Hard GZ.